20.05.2026

BARQAROR RIVOJLANISH MAQSADI · SDG 10
Hamma uchun teng imkoniyat,
har bir talaba uchun ta'lim

Buxoro davlat universiteti imkoniyati cheklangan talabalarni qo'llab-quvvatlash, to'siqsiz muhitni shakllantirish va inklyuziv ta'lim tamoyillarini joriy etish orqali sifatli oliy ta'limga teng kirishni ta'minlaydi.
TALABALAR SONI  18544 

IMKONIYATI CHEKLANGAN TALABALAR  222

FAKULTET 7

TASHKIL ETILGAN YIL1930

UNIVERSITET SIYOSATI
Buxoro davlat universitetida imkoniyati cheklangan talabalarni qo'llab-quvvatlash
Hozirda Buxoro davlat universitetida turli xil nogironligi bo'lgan 222 dan ortiq talaba bakalavriat va magistratura yo'nalishlarida ta'lim olmoqda. Ularning sifatli ta'lim olishi uchun teng imkoniyatlarni yaratish universitetning strategik vazifalaridan biri hisoblanadi.
Universitet 2026-2030 yillarga mo'ljallangan inklyuziv ta'limni rivojlantirish konsepsiyasini ishlab chiqdi. Ushbu konsepsiya doirasida to'siqsiz hudud yaratish, barcha yo'nalishlarda inklyuziv ta'lim metodikasiga oid o'quv materiallarini ishlab chiqish va jahon hamjamiyati tomonidan qabul qilingan inklyuziv ta'lim tamoyillarini joriy qilish ko'zda tutilgan.
Mazkur tashabbus orqali biz nafaqat universitet ichidagi muhitni o'zgartirmoqdamiz, balki butun mintaqada inklyuziv ta'lim madaniyatini shakllantirishga hissa qo'shmoqdamiz.
Normativ-huquqiy asoslar
•    BMT "Nogironlar huquqlari to'g'risida"gi Konvensiyasi
•    Barqaror Rivojlanish Maqsadlari (SDG 4, SDG 10)
•    "Nogironligi bo'lgan shaxslarning huquqlari to'g'risida"gi qonun
•    "Ta'lim to'g'risida"gi O'zbekiston Respublikasi qonuni
•    PF-60 — Yangi O'zbekistonning 2022–2026 yillarga mo'ljallangan taraqqiyot strategiyasi
•    PQ-4860 — Alohida ta'lim ehtiyojlari bo'lgan bolalarga ta'lim-tarbiya berish tizimini takomillashtirish chora-tadbirlari

STRATEGIK VAZIFALAR
Inklyuziv ta'limni rivojlantirish bo'yicha asosiy yo'nalishlar
Universitetimizning 2026–2030 yillarga mo'ljallangan ish rejasi quyidagi sakkizta strategik vazifani o'z ichiga oladi:
01 Inklyuziv ta'lim markazini tashkil etish
BuxDU qoshida zamonaviy uskunalar va metodikalar bilan ta'minlangan ixtisoslashgan inklyuziv ta'lim markazini ochish.

02 To'siqsiz hudud yaratish
Universitet hududi, bino va auditoriyalarni nogironligi bo'lgan talabalar uchun to'liq qulay holatga keltirish.

03 O'quv materiallarini ishlab chiqish
Barcha yo'nalishlarda inklyuziv ta'lim metodikasiga oid o'quv qo'llanma, darslik va modullarni yaratish.

04 Professor-o'qituvchilarni qayta tayyorlash
Inklyuziv ta'lim berishning zamonaviy nazariyalarini o'zlashtirish kurslarini malaka oshirish markazlariga kiritish.

05 Metodik tavsiyalar
Innovatsion texnologiyalarni qo'llash yuzasidan professor-o'qituvchilar uchun metodik qo'llanmalar tayyorlash.

06 Maxsus dasturlar va Brayl kitoblari
Axborot resurs markazini o'zbek tilidagi audio sintezatorlar, Brayl alifbosidagi va audio kitoblar bilan boyitish.

07 Imo-ishora tili kurslari
Universitetda imo-ishora tilini o'rgatish kurslari tashkil qilinib, talabalar va xodimlar uchun ochiq bo'ladi.

08 Xalqaro hamkorlik
Inklyuziv ta'lim sohasidagi yetakchi xorijiy universitetlar bilan ilmiy-uslubiy hamkorlikni kengaytirish.

Imkoniyati cheklanganlarni qo'llab-quvvatlash xizmatlari
Educational Support Center · Ta'limni qo'llab-quvvatlash markazi
I.    Akademik yordam

011Bepul qo'shimcha darslar
Pedagogika fakultetining Axborot resurs markazida imkoniyati cheklangan talabalar uchun professor-o'qituvchilar tomonidan o'zlashtirilmagan har qanday dars bepul qayta o'tib beriladi.
022Ko'ngilli talabalar yordami
Imkoniyati cheklangan talabalarga ma'lumot olish va tahlil qilishda ko'ngilli sifatida yordam berishga tayyor talabalar ikki smenada faoliyat olib boradi.
03 O'quv materiallarini tayyorlash
Markaz darsliklarni Brayl alifbosida bosib chiqarish, shriftlarni kattalashtirish va yozma materiallarni raqamlashtirishga ko'maklashadi.
044Maxsus stipendiyalar
Iqtidorli hamda ishtiyoqi baland imkoniyati cheklangan talabalarga har bir akademik o'quv yili uchun maxsus stipendiyalar ajratiladi.
II.    Kundalik turmush tarzi
014Orientatsion darslar
Ijtimoiy ish kafedrasi professor-o'qituvchilari tomonidan ko'rish qobiliyatida nuqsoni bor talabalarga universitet kampusi bo'ylab orientatsion treninglar o'tib beriladi.
024Darsdan tashqari tadbirlar
Talabalar bir-birlari bilan tanishishlari hamda o'zaro fikr almashishlari uchun to'garaklar, Buxoroning tarixiy muzeylari bo'ylab ekskursiyalar tashkillashtirib boriladi.
034Psixologik maslahat
Psixologik maslahat markazida depressiya, qo'rquv, ishonchsizlik, oilaviy munosabatlar muammolariga duch kelgan talabalarga professional yordam beriladi.
044To'siqsiz muhitni yaxshilash
Universitet hududi bo'ylab talablarga javob beradigan to'siqsiz muhitni shakllantirish hamda mavjudlarini ta'mirlash va montaj qilish ishlari amalga oshiriladi.

Universitet hududidagi infratuzilma
Universitet binolaridagi barcha imkoniyatlar imkoniyati cheklangan talabalar uchun mavjud. Nogironlar aravachasiga rampalar, lift tugmalarida Brayl alifbosi va maxsus hojatxonalar bilan ta'minlangan.

Pandus va rampalar
Barcha universitet binolari oldida nogironlar aravachasi uchun pandus va rampalar o'rnatilgan

Brayl alifbosi liftda
Bosh bino liftining tugmalariga Brayl alifbosidagi belgilar o'rnatilgan

Maxsus hojatxonalar
Universitet hojatxonalari imkoniyati cheklangan talabalar talablariga moslab jihozlangan

Audio sintezatorlar
Axborot resurs markazidagi kompyuterlar o'zbek tilidagi audio sintezatorlar bilan jihozlangan

Brayl alifbosida kitoblar
Kutubxona Brayl alifbosidagi va audio kitoblar bilan boyitilgan

Psixolog xizmati
Talabalar uchun bepul psixologik maslahat va qo'llab-quvvatlash xonalari

MAVZUGA DOIR YANGILIKLAR
So'nggi tadbirlar va yutuqlar

Inkluziv ta’lim yo‘nalishida muhim qadam  (https://t.me/buxdu_uz/86637)

BMT vakili bilan ochiq muloqotda BuxDU doktoranti inklyuziv ta’lim bo‘yicha takliflar bildirdi  (https://t.me/buxdu_uz/99388)
BuxDUda inklyuziv ta’lim: Imkoniyati cheklangan talabalar uchun yangi tashabbuslar muhokama qilinmoqda (https://t.me/buxdu_uz/93050)

BuxDUda yaratilgan inklyuziv shart-sharoitlar mavzusida davra suhbati o‘tkazildi
(https://t.me/buxdu_uz/90671)

Buxoro davlat universitetida xalqaro professional rivojlanish workshopi o‘tkazildi
https://t.me/buxdu_uz/87776

BuxDU professor-o‘qituvchilari xalqaro workshoplarda ishtirok etmoqda
(https://t.me/buxdu_uz/87664)

Hurmatli professor-o‘qituvchilar, tadqiqotchilar va talabalar!
(https://t.me/buxdu_uz/86990)

Inkluziv ta’lim yo‘nalishida muhim qadam
(https://t.me/buxdu_uz/86637)

Inklyuziv ta’lim yo‘lida muhim qadam: BuxDU rahbariyati xalqaro seminarda ishtirok etdi (https://t.me/buxdu_uz/84628)

BuxDU vakillari inklyuziv ta’lim muassasasida bo‘lib, bolalarni Yangi yil bayrami bilan tabrikladi (https://t.me/buxdu_uz/83193)

BuxDU tayanch doktoranti respublika minbarida: inklyuziv ta'lim bo'yicha dolzarb takliflar o'rtaga tashlandi. (https://t.me/buxdu_uz/83145)

Inklyuziv ta’limni tashkil etish: muammo, yechimlar va istiqbollar” mavzusidagi xalqaro ilmiy-amaliy anjuman o'tkazildi. (https://t.me/buxdu_uz/82920)

Inklyuziv ta’limni tashkil etish: muammo, yechimlar va istiqbollar” mavzusidagi xalqaro ilmiy-amaliy anjuman o'tkazildi.(https://t.me/buxdu_uz/82713)

BuxDUda xalqaro nogironlar kuni munosabati bilan ma’naviy-ma’rifiy tadbir bo‘lib o‘tdi
(https://t.me/buxdu_uz/80745)

Butunjahon ko‘zi ojizlar huquqlarini himoya qilish kuni” munosabati bilan ilmiy taqdimot 
(https://t.me/buxdu_uz/78496)

Educational dialogue of east and west: multilingual culture, diversity, and inclusion in Uzbekistan" nomli yozgi maktab samarali faoliyat yuritmoqda.
(https://t.me/buxdu_uz/66681)